Гісторыка-інфармацыйны цэнтр сувязі
Гісторыя фарміравання калекцый цэнтра пачалася больш за 30 гадоў таму. Фонд музея налічвае звыш 5000 дакументальных фондаў, больш за 1000 экспанатаў, сярод якіх ёсць рарытэты, датаваныя пачаткам XIX стагоддзя.
Экспазіцыі не толькі апускаюць у гісторыю, але і ствараюць адчуванне датычнасці да яе.
Наш цэнтр-музей сёння можа смела прэтэндаваць на сваё месца сярод самых цікавых музеяў Беларусі! Наведаўшы яго, вы адкрыеце для сябе новую старонку гісторыі — гісторыю сувязі.
У нашым цэнтры вы зможаце пачуць голас легендарнага дыктара Юрыя Барысавіча Левітана з гучнагаварыцеля 1930 года выпуску, паслухаць рамансы з пласцінак, паспрабаваць сябе ў ролі тэлеграфіста, які працуе на апараце Морзэ, паглядзець любімую усімі пакаленнямі камедыю «Дзяўчаты» па тэлерадыёле, выпушчанай у 1957 годзе.
Акрамя таго, вы можаце азнаёміцца з залатым фондам нашай калекцыі на прыкладзе жыцця, любові і подзвігаў сувязістаў — Герояў Вялікай Айчыннай вайны.